తల్లి హృదయం **** *

నీవు నా కడుపున గంతులు వేస్తూ నన్ను ఇబ్బంది పెడుతుంటే అనిపించింది,
నీవు చాల హుషారు కలవాడవని...

నీవు నా గర్బాన్ని చీల్చుకుని బయటకు వస్తుంటే అనిపించింది,
నీవు దేనినైనా తెగించగలవాడవని...


నీవు నా రక్తాన్ని పాలుగా త్రాగుతుంటే సంతోషం అనిపించింది,
నీవు చాల బలవంతుడువవుతావని...


నీవు అమ్మా అని పిలిచినప్పుడు పరమానందం కలిగింది,
నీవు గొప్ప విద్యావంతుడవవుతావని...

నీవు బుడి బుడి అడుగులు వేస్తుంటే అనిపించింది,
నీ కాళ్ళ మీద నీవు నిలబడ గలవని...

నేను మరణించినప్పుడు బాధగా వున్నా ధైర్యంఅనిపించింది ,
నేను లేకపోయినా నీవు బ్రతకగలవని...

కాని ఇప్పుడు బాధగా వుంది

నన్ను కాల్చేటప్పుడు నీ
చెయ్యి కాలుతుందేమోనని.....